İran millisinin sabiq qapıçısı vəfat edib

İranın futbol millisinin sabiq qapıçısı Fəramərz Zali 83 yaşında vəfat edib.

“Report” xəbər verir ki, bu barədə İSNA məlumat yayıb.

O, karyerası ərzində yığma il yanaşı, ölkəsində “Pas” və “Tac” klublarının formasını geyinib.

Qeyd edək ki, F.Zali yığma ilə birlikdə 1968-ci ildə Asiya Kubokunu, 1970-ci ildə “Pas” klubunun heyətində Asiya Klublar Kubokunu qazanıb. Sözügedən komandalarla bir neçə dəfə İran çempionu və ölkə kubokunun qalibi olmuş keçmiş qapıçı 1964-cü ildə Tokioda keçirilən Yay Olimpiya Oyunlarında da iştirak edib.