Ançelotti Qvardiolanı qabaqladı - ÇL-də yeni rekord

"Real Madrid" Çempionlar Liqasında 1/4 finala yüksəlib.

Apasport.az xəbər verir ki, Karlo Ançelottinin komandası "Atletiko Madrid"i penaltilər seriyasında məğlub edib.

Ançelotti bu matçda yeni rekorda imza atıb. Belə ki, o, Çempionlar Liqasının 1/4 finalına ən çox çıxan baş məşqçidir.

İtaliyalı 15-ci dəfədir ki, buna nail olur. Ançelottidən sonra Xosep Qvardiola ikinci pillədə yer alıb. Qvardiolanın komandası 14 dəfə turnirin 1/4 finala yüksəlib.

Qeyd edək ki, Çempionlar Liqasının 1/4 finalında "Real Madrid" "Arsenal"la qarşılaşacaq.