"Atletiko"nun hakimi təhqir edən futbolçusu beş oyunluq cəza alıb

"Atletiko"nun futbolçusu Anxel Korrea İspaniya Kral Futbol Federasiyasının İntizam Komitəsi tərəfindən beş oyunluq cəzalandırılıb.

"Report" xəbər verir ki, bu barədə qurumun mətbuat xidməti məlumat yayıb.

Hücumçu La Liqanın XXVII turunda "Xetafe" ilə oyunun 88-ci dəqiqəsində kobud oyuna görə qırmızı vərəqə alıb. O, meydandan qovulduqdan sonra hakimi təhqir edib.

Argentinalı forvard hakimi təhqir etdiyi üçün 4, qırmızı vərəqə aldığına görə bir matçlıq diskvalifikasiya ilə üzləşib. Onun cəzası La Liqa və ölkə kubokuna şamil ediləcək.