DÇ-2022: Brazilya Serbiyanı məğlub edib

Bu gün DÇ-2022-də qrup mərhələsinin I turuna yekun vurulub.

QELEBE.AZ saytının məlumatına görə, turun son oyununda yarışın daha bir favoriti mübarizəyə qoşulub.

Bütün mundialların iştirakçısı olan yeganə komanda Braziliya Serbiyanı sınağa çəkib.

20 ildir çempionluğa həsrət olan pentakampeonları növbəti zəfərə daşımağa çalışan Neymar və yoldaşları avropalılarla görüşdə nəyə qadir olduğunu göstərdi.

Serbiya isə sensasiyalarla zəngin Qətər-2022-də favoriti büdrətmək niyyətində olub.

Dörd il əvvəl Rusiyadakı turnirdə 0:2 hesabı ilə uduzan balkanlılar həmin yenilginin də revanşını almağa köklənmişdi.

Lakin son 7 çempionatda 1/4 final həyəcanı yaşayan Braziliyanın büdrəmək ehtimalı da çox aşağı idi.

Görüş Brazilya yığmasının 2:0 hesablı qələbəsi ilə yekunlaşıb.

Qeyd edək ki, qrupun digər matçında İsveçrə ilə Kamerun qarşılaşıb. Avropa təmsilçisi bu görüşdə 1:0 hesabı ilə qalib gəlib.

DÇ-2022, qrup mərhələsi
24 noyabr, I tur
G qrupu
23:00. Braziliya – Serbiya 2:0

Qol: Rişarlison, 62, 73