İsveçrə millisinin qapıçısı karyerasını İngiltərədə davam etdirə bilər

İsveçrə millisinin və Almaniyanın “Borussiya” (Dortmund) klubunun qapıçısı Qreqor Kobel karyerasını İngiltərə Premyer Liqasında davam etdirə bilər.

“QELEBE.AZ” “Todofichajes”ə istinadən xəbər verir ki, "Liverpul" 27 yaşlı qapıçını transfer etməkdə maraqlıdır.

Kobelin transfer dəyəri 40 milyon avro qiymətləndirilir. Onun "arılar"la hazırkı müqaviləsinin müddəti 2028-ci ilə qədər nəzərdə tutulub.

Qeyd edək ki, Q.Kobel cari mövsümdə 20 matçda iştirak edib. O, 34 qol buraxıb və üç oyunda qapısını toxunulmaz saxlayıb.