Bakıda beynəlxalq tennis turniri keçiriləcək

Azərbaycan Tennis Federasiyası (ATF) daha bir beynəlxalq yarış təşkil edəcək.

ATF-dən "QELEBE.AZ"a verilən məlumata görə, yerli və Beynəlxalq Tennis Federasiyasının birgə əməkdaşlığı, Gənclər və İdman Nazirliyinin dəstəyilə Bakı Tennis Akademiyasında 18 yaşlı idmançılar arasında Ulu Öndər Heydər Əliyevin xatirəsinə həsr olunan J4 Baku (Grade 4) turnirləri keçiriləcək.

Turnirlər bu il 26 noyabr - 11 dekabrda baş tutacaq.

Qeyd edək ki, nisbətən yüksək reytinq verən bu turnirlər ilk dəfə Azərbaycanda təşkil olunur. Yarışlarda Azərbaycanla yanaşı, Belarus, Bolqarıstan, Fransa, Gürcüstan, Xorvatiya, İran, İsrail, İtaliya, Kanada, Özbəkistan, Polşa, Rumıniya, Rusiya, Serbiya, Slovakiya, Türkiyə və Ukraynadan çox sayda qız və oğlan tennisçilər iştirak edəcəklər.