"Roma"nın futbolçusu Almaniya çempionuna keçir
https://qelebe.az//uploads/photo/romanin-futbolchusu-almaniya-chempionuna-kechir.webp
İtaliyanın "Roma" klubunun futbolçusu Mario Ermoso karyerasını Almaniyada davam etdirməyə çox yaxındır.
"Report"un məlumatına görə, bu barədə məşhur insayder Fabritsio Romano sosial şəbəkə hesabında paylaşım edib.
Onun sözlərinə görə, son ölkə çempionu "Bayer 04" 29 yaşlı mərkəz müdafiəçisini heyətinə qatmaq istəyir. Oyunçu da Leverkuzen təmsilçisinə keçmək niyyətindədir.
Klubların gələn həftə ispan futbolçunun transferi ilə bağlı danışıqları yekunlaşdıracağı gözlənilir.
Qeyd edək ki, Mario Ermoso ötən il "Atletiko"dan "Roma"ya keçib.
