Hindistan şahmatçısı ölkə başçısı tərəfindən təltif edilib

Hindistan şahmatçısı Dommaracu Qukeş ölkənin ən yüksək idman mükafatı sayılan "Mayor Dhian Çand Khel Ratna" ilə təltif edilib.

"QELEBE.AZ" xəbər verir ki, bu barədə Hindistan prezidenti Draupadi Murmu sosial şəbəkə vasitəsi ilə məlumat verib.

Təltifetmə mərasimi prezidentin Yeni Delhidəki rəsmi iqamətgahında baş tutub.

Qeyd edək ki, 18 yaşlı qrossmeyster ötən il dekabrın 12-də şahmat tacı uğrunda görüşdə çinli Dinq Lirenə qalib gəlib. O, şahmat üzrə XVIII dünya çempionu və tarixin ən gənc qalibi olub.