Rumıniyalı futbolçu: "Qarabağ"la oyunda da xal qazanmaq istəyirik"

"Qarabağ"la oyunda da xal qazanmaq istəyirik.

"Report" xəbər verir ki, bunu Rumıniyanın FCSB komandasının futbolçusu David Mikulesku deyib.

23 yaşlı hücumçu Ukraynanın "Dinamo" (Kiyev) klubuna 1:2 hesabı ilə uduzduqları yoxlama görüşündən sonra yerli mətbuata açıqlama verib.

Rumıniyalı oyunçu fərqləndiyi üçün şad olduğunu bildirib:

"Amma təəssüf ki, hesabı bərabərlişdirə bilmədik. Komandaya kimlərin gəlməsinin fərqi yoxdur. Biz hamımız yaxşı oyunçuyuq. UEFA Avropa Liqasında "Qarabağ"la səfərdə üz-üzə gələcəyik, xal qazanmağa davam etmək istəyirik. Baxmayaraq ki, çoxları artıq pley-offa vəsiqə qazandığımızı deyir".

Qeyd edək ki, UEFA Avropa Liqasının Liqa mərhələsinin VII turunda keçiriləcək "Qarabağ" - FCSB matçı saat 21:45-də başlayacaq. Azərbaycan çempionu 3 xalla 33-cü, FCSB 11 xalla 10-cu sıradadır.