Türkiyə klubunun loqosunu azarkeşlər seçəcək

Türkiyənin "Göztəpə" futbol klubunun loqosunu azarkeşlər seçəcək.

"QELEBE.AZ" xəbər verir ki, bu barədə Superliqa təmsilçisinin rəsmi "X" hesabı məlumat yayıb.

İzmir komandası klubun 100 illik yubileyi münasibəti ilə loqosunu dəyişmək qərarına gəlib. Fanatlar müxtəlif şəxslər tərəfindən hazırlanmış altı emblem arasında seçim edəcəklər.

Səsvermə 48 saat davam edəcək. Qalibə 35000 TL (təxminən 1736 manat) mükafat da nəzərdə tutulub.

Qeyd edək ki, "Göztəpə" klubu 1925-ci il iyunun 14-də qurulub. Komanda hazırda Superliqada 28 xalla 4-cü pillədə qərarlaşıb.