"Mançester Yunayted" Niderland millisinin qapıçısını heyətinə qatmaq istəyir

İngiltərənin "Mançester Yunayted" klubu "Brayton"da çıxış edən qapıçı Bart Verbruggeni heyətinə qatmaq istəyir.

"QELEBE.AZ" xəbər verir ki, bu barədə "Sunday Mirror" məlumat yayıb.

"Qırmızı şeytanlar"ın əsas qolkiperi Andre Onananın buraxdığı səhvlər klubu bu mövqeyə daha etibarlı alternativ axtarmağa vadar edir.

Niderland millisinin də üzvü olan Verbruggen potensial namizədlər arasındadır. Bu transfer Mançester təmsilçisinə ən azı 30 milyon funt-sterlinqə başa gələ bilər.

Qeyd edək ki, Bart Verbruggen cari mövsüm "Brayton"un heyətində bütün yarışlarda 17 matça çıxıb.