"Arsenal"ın futbolçusu karyerasını Şotlandiyada davam etdirə bilər

İngiltərənin "Arsenal" klubunun futbolçusu Kiran Tirni karyerasını Şotlandiya təmsilçisi "Seltik"də davam etdirə bilər.

"Report" “Football Insider”a istinadən xəbər verir ki, daha əvvəl bir neçə Premyer Liqa klubunu çalışdırmış "ağ-yaşıllar"ın hazırkı baş məşqçisi Brendan Rocers 27 yaşlı müdafiəçini transfer etməkdə israrlıdır.

Oyunçu özü də ölkəsinə qayıtmağa maraq göstərir.

Qeyd edək ki, Kiran Tirni cari mövsüm 1 dəfə İngiltərə Kubokunun oyununda meydana çıxıb. Onun müqaviləsi 2025-ci ilin yayında başa çatacaq.