"Real" rəhbərliyi "Santyaqo Bernabeu"nun adını dəyişdirmək qərarına gəlib

İspaniyanın "Real" klubunun rəhbərliyi komandanın ev oyunlarını keçirdiyi "Santyaqo Bernabeu" stadionunun adını dəyişdirmək qərarına gəlib.

"Report" xəbər verir ki, bu barədə "Marca" məlumat yayıb.

Arenanın adı sadələşdirilərək, sadəcə, "Bernabeu" adlandırılacaq. Stadionun adının dəyişdirilməsinin səbəblərinin kommersiya ilə əlaqədar olduğu bildirilib.

Qeyd edək ki, 2019-cu ildə stadionda başladılan yenidənqurma işləri ötən ilin sonuna qədər başa çatmalı idi. Lakin bu müddət uzadılıb. Stadionun yenidən qurulması 1,76 milyard avroya başa gələcək.