"Barselona" beş futbolçu ilə maraqlanır

İspaniyanın "Barselona" klubu beş futbolçu ilə maraqlanır.

"QELEBE.AZ" "Sport.es"ə istinadən xəbər verir ki, klub rəhbərliyi əsasən "Atletik"in və İspaniya yığmasının futbolçusu Niko Uilyamsı heyətinə qatmaq niyyətindədir.

Futbolçunun transferi üçün 60 milyon avro tələb olunsa da, Kataloniya təmsilçisi 2025-ci ilin yayında transferi həyata keçirəcəyinə inanır.

Bundan əlavə, "Barselona" Xviça Kvaratsxeliya ("Napoli", İtaliya), Rafael Leau ("Milan", İtaliya) və Markus Reşfordun ("Mançester Yunayted", İngiltərə) mümkün transferini fəal şəkildə araşdırır. Ancaq bu futbolçular üçün yüksək maliyyə tələb olunur.

Klub üçün maliyyə baxımından ən əlverişli transfer İngiltərə təmsilçisi "Çelsi"nin fransalı oyunçusu Kristofer Nkunku hesab edilir.

Qeyd edək ki, "Barselona" hazırda La Liqada 38 xalla üçüncü pillədə qərarlaşıb.