Azərbaycan çempionatında hakimləri təhqir edən futbolçular və baş məşqçi cəzalanıb

Azərbaycan çempionatında hakimləri təhqir edən futbolçular və baş məşqçi cəzalanıb.

"Report" xəbər verir ki, bu barədə AFFA İntizam Komitəsi qərar çıxarıb.

U-17 Liqasında çıxış edən "Qəbələ"nin futbolçusu Rəvan Feyziyev "Səbail"lə matçın 89-cu dəqiqəsində ədalət təmsilçisini təhqir etdiyi üçün 4 oyunluq cəza alıb.

U-14 Liqasında "Caspian FA" komandasının üzvü Zeynal Zeynalov da eyni hərəkətə yol verib. O, Sumqayıtın "Məhəllə uşaqlar" kollektivi ilə görüşdə referini təhqir etdiyinə görə qırmızı görüb və 2 matçlıq cəzalandırılıb.

U-13 Liqasında isə EFA-nın baş məşqçisi Fərid Əlizadə "Qarabağ"la qarşılaşmada hakimi təhqir edib. Mütəxəssis növbəti 5 oyunda texniki zonada yer almayacaq.