Estoniyalı futbolçu: "Azərbaycan millisinə qarşı oynadığımızı başa düşməliyik"
https://qelebe.az//uploads/photo/estoniyali-futbolchu-azerbaycan-millisine-qarshi-oynadigimizi-basha-dushmeliyik.webp
Açıq şəkildə kimə qarşı oynadığımızı başa düşməliyik.
"Report" "Soccernet.ee" nəşrinə istinadən xəbər verir ki, bunu Estoniya yığmasının futbolçusu Markus Soomets deyib.
UEFA Millətlər Liqasında Azərbaycana qarşı keçirəcəkləri oyundan əvvəl açıqlama verən 24 yaşlı yarımmüdafiəçi güclü heyətə malik olduqlarını bildirib:
"Qrupda daha keyfiyyətli İsveç və Slovakiya yığmaları da var. Onlara qarşı bir qədər fərqli oynamalıyıq. Amma həqiqətən komandamızın güclü olduğunu görürəm. Biz futbol oynaya bilirik".
Qeyd edək ki, Azərbaycan - Estoniya qarşılaşması noyabrın 16-da, saat 18:00-da Qəbələ şəhər stadionunda keçiriləcək.
