Bundesliqa təmsilçisinin yeni baş məşqçisi müəyyənləşib
https://qelebe.az//uploads/photo/bundesliqa-temsilchisinin-yeni-bash-meshqchisi-mueyyenleshib.webp
Almaniya Bundesliqası təmsilçisi "Bohum"un yeni baş məşqçisi müəyyənləşib.
"QELEBE.AZ" klubun mətbuat xidmətinə istinadən xəbər verir ki, bu vəzifəyə Diter Hekinq təyin edilib.
Almaniya çempionatının autsayderi 60 yaşlı mütəxəssislə 2024/2025 mövsümünün sonuna qədər müqavilə imzalayıb.
Oktyabrda vəzifəsindən göndərilən Peter Tsaydleri əvəzləyən D.Hekinq 2015-ci ildə "Volfsburq"la Almaniya Kuboku və Superkubokunu qazanıb, həmçinin Bundesliqada ikinci yeri tutub. Həmin vaxt Almaniyada ilin məşqçisi seçilən mütəxəssis daha sonra "Borussiya" (Münhenqladbax), "Hamburq" və "Nürnberq" klublarını çalışdırıb.
Qeyd edək ki, "Bohum" komandası turnir cədvəlində 9 turdan sonra 1 xalla sonuncudur.
