Azərbaycan Kuboku: "Turan Tovuz" “Hypers Guba”ya böyük hesabla qalib gəlib

Futbol üzrə Azərbaycan Kubokunda "Turan Tovuz" “Hypers Guba”ya böyük hesabla qalib gəlib.

"QELEBE.AZ"un məlumatına görə, Tovuz şəhər stadionunda baş tutan II təsnifat mərhələsinin oyununda ev sahibləri 7:2 hesablı qələbəyə sevinib.

15-ci dəqiqədə “Hypers Guba”nın heyətində Ramil Əhmədov avtoqol müəllifi olub. "Turan Tovuz"un aktivinə digər qolları Ayxan Quseynov (17,25), Aleks Souza (38,39), Sadiq Quliyev (56) və Nahid Əliyev (60) yazdırıblar.

Qonaq komandanın heyətində isə İlqar Ələkbərov (64, 68) dubl müəllifi olub.

Qeyd edək ki, "Turan Tovuz"un 1/8 finaldakı rəqibi "Sabah" olacaq.