IIHF prezidenti 3x3 hokkeyi Qış Olimpiya Oyunlarının proqramına daxil etməyi təklif edib
Beynəlxalq Buzüstü Hokkey Federasiyasının (IIHF) prezidenti Lyuk Tardif 3x3 hokkeyi 2030-cu ildə keçiriləcək Qış Olimpiya Oyunlarının proqramına daxil etməyi təklif edib.
"QELEBE.AZ" xəbər verir ki, o, bu barədə “Inside the Games”ə açıqlamasında deyib.
“Beynəlxalq Olimpiya Komitəsi heç vaxt 3x3 basketbol, reqbi-7 və ya çimərlik voleybolunun əsas idman növünə bu qədər təsir edəcəyini gözləmirdi. Bu, oyunçuların cəlb edilməsinə və maliyyə imkanlarına böyük təsir etdi. Hokkey üçün qapı açıqdır. Bu, bizim vaxtımızdır”, - deyə Tardif bildirib.
IIHF 2025-ci ilin yanvarına qədər BOK üçün müvafiq təklif hazırlayacaq. Yekun qərar mart ayında veriləcək.

https://qelebe.az//uploads/photo/iihf-prezidenti-3x3-hokkeyi-qish-olimpiya-oyunlarinin-proqramina-daxil-etmeyi-teklif-edib.webp











