"Barselona" İngiltərə klubunun 20 yaşlı futbolçusunu transfer edə bilər

İspaniyanın "Barselona" klubu İngiltərə təmsilçisi "Çelsi"nin futbolçusu Karni Çukvuemekanı transfer edə bilər.

"QELEBE.AZ" "Sport.es"ə istinadən xəbər verir ki, Kataloniya klubu artıq 20 yaşlı yarımmüdafiəçinin menecerləri ilə əlaqə saxlayıb.

Futbolçunun "Çelsi" klubu ilə müqaviləsi 2028-ci ilin yayına kimi nəzərdə tutulub. Transfermarkt portalı yarımmüdafiəçinin dəyərini 15 milyon avro qiymətləndirir.

Qeyd edək ki, 2023/2024 mövsümündə K.Çukvuemeka "Çelsi"nin heyətində meydana çıxdığı 12 matçda 2 qola və 1 məhsuldar ötürməyə imza atıb.