"Qəbələ” heyətinə daha bir futbolçu qatıb
https://qelebe.az//uploads/photo/qebele-heyetine-daha-bir-futbolchu-qatib.webp
"Qəbələ” heyətini daha bir futbolçu ilə gücləndirib.
"QELEBE.AZ" klubun mətbuat xidmətinə istinadən xəbər verir ki, 2024/2025 mövsümündən I Liqada çıxış edəcək “qırmızı-qaralar” Salman Ələsgərovla anlaşıb.
23 yaşlı futbolçu ilə 2 illik müqavilə imzalanıb.
"Qəbələ" Akademiyasının yetirməsi olan müdafiəçi 2021-2023-cü illərdə “Qəbələ-2”nin formasını geyinib.
O, ötən mövsüm “Şamaxı”nın uğurları üçün çalışıb. S.Ələsgərov karyerası ərzində “Səbail-2” və “Zaqatala”da da çıxış edib, Azərbaycanın U-18 millisinə cəlb olunub.
Qeyd edək ki, “Qəbələ” daha əvvəl qapıçı Müşfiq Nadirov, müdafiəçi Vüqar Həsənov və yarımmüdafiəçi Urfan İsmayılovu heyətinə qatıb.
