Amerika Kuboku: Braziliya millisi heç-heçə edib, Kolumbiya qələbə qazanıb

ABŞ-də keçirilən futbol üzrə Amerika Kubokunun D qrupunda mübarizəyə start verilib.

"Report" xəbər verir ki, beşqat dünya çempionu Braziliya Kosta-Rika ilə üz-üzə gəlib.

Qarşılaşma qolsuz bitib.

Digər görüşdə Kolumbiya Paraqvayı 2:1 hesabı ilə üstələyib. 32-ci dəqiqədə Daniel Munyos, 10 dəqiqə sonra Cefferson Lerma qələbədə pay sahibi olublar. Təsəlli qoluna 69-cu dəqiqədə Julio Enkiso imza atıb.

Qeyd edək ki, Amerika Kuboku iyulun 14-də başa çatacaq.