Azərbaycan idmançısı Yunanıstanda iki bürünc medal qazanıb

Azərbaycanlı idmançı Malikə Biçekuyeva Yunanıstanın Saloniki şəhərində keçirilən 15 və 17 yaşlı yeniyetmələr arasında ağırlıqqaldırma üzrə Avropa birinciliyində 2 bürünc medal qazanıb.

Azərbaycan Ağırlıqqaldırma Federasiyasından "QELEBE.AZ"a verilən məlumata görə, o, yaşı 15-ə qədər olan atletlər arasında 55 kq çəki dərəcəsində qüvvəsini sınayıb.

Atlet birdən qaldırma hərəkətində 57 kq-ı ram edərək 4-cü olub. O, təkanla qaldırma hərəkətində daha yaxşı çıxış edib. İdmançı 71 kq ağırlığı başı üzərinə qaldırıb və bu hərəkətdə Avropa birinciliyinin bürünc medalını qazanıb. Toplam 128 kq (57+71) nəticə göstərən M.Biçekuyeva yekun sıralamada da Avropa birinciliyin bürünc medalına sahib çıxıb.

Qeyd edək ki, Avropa çempionatında 38 ölkədən 415 (198 qız + 217 oğlan) idmançı yarışır.