“Araz-Naxçıvan” rəsmisi: İndiyədək stadionla bağlı layihələndirmə və sənədləşmə işləri yekunlaşıb

İndiyədək stadionla bağlı layihələndirmə və sənədləşmə işləri yekunlaşıb. Tikinti ilə bağlı müqavilələr imzalanıb.

Bunu “QELEBE.AZ”a açıqlamasında “Araz-Naxçıvan” klubunun icraçı direktoru Eldəniz Yusubov Naxçıvan şəhər stadionunun son durumu ilə bağlı danışarkən deyib.

Klub rəsmisi stadionda təmir işlərinin hələ başlamadığını bildirib: “İyunun 10-dan sonra xəbərlərimiz olacaq. Əlbəttə, təmir işləri ilə bağlı müzakirələrimiz olub. Xeyli işlər görülüb, amma təmirə başlanılmayıb. Təbii örtük, çox güman, süni ilə əvəzlənə bilər. Tribunalar müasir lisenziya tələblərinə uyğunlaşdırılacaq. İşıqlandırma sistemi dəyişdiriləcək. Paltardəyişmə otaqlarında yenilənmə işləri aparılacaq. Skay-bokslarda, VİP lojalarda ciddi yeniliklər olacaq. Planlarımız böyükdür”.

Qeyd edək ki, 2023/2024 mövsümündən Azərbaycan Premyer Liqasında iştirak hüququ qazanan Naxçıvan təmsilçisi ev oyunlarını Mərdəkanda yerləşən “Liv Bona Dea Arena”da keçirirdi.