İtaliyalı tennisçilər 15 ildən sonra rekordu təkrarlayıblar

İtaliyalı tennisçilər 15 ildən sonra ABŞ-dən olan həmkarlarının nailiyyətini təkrarlayıblar.

"Report"un xarici mətbuata istinadən məlumatına görə, onlar buna Fransada keçirilən “Rolan Qarros” turnirində dörd əsas kateqoriyada yarımfinala yüksəlməklə nail olublar.

Kişilərdə Yannik Sinner, qadınlarda Yasmin Paolini bu raundadək irəliləyə biliblər.

Paolini Sara Errani ilə birlikdə cütlüklərin yarışında da yarımfinala yüksəlib. Kişilərin qoşa mübarizəsində isə Simone Bolelli ilə Andrea Vasassori bu mərhələyə çatıb.

Qeyd edək ki, son olaraq ABŞ-dən olan tennisçilər 2009-cu ildə dörd kateqoriyada yarımfinalda iştirak ediblər.