Assosiasiyanın vitse-prezidenti: Azərbaycan sumoçularının çox yüksək potensialı var

Azərbaycan sumoçularının çox yüksək potensialı var.

Bunu "QELEBE.AZ"a açıqlamasında Yapon Döyüş Növləri və Mədəniyyəti Assosiasiyasının vitse-prezidenti Ülvi Ağamirov deyib.

Federasiya rəsmisi Azərbaycan sumoçularının Yunanıstanın Lutraki şəhərində keçirilən U-21, U-23 və böyüklər arasında Avropa çempionatında 11 medal qazanması barədə danışıb: "Komandamızın əldə etdiyi nəticələri qəanətbəxş hesab edirəm. Zaman irəlilədikcə məncə, daha da yaxşı olacaq. İdmançılarımızın çox yüksək potensialı var. Müəyyən çatışmazlıqlarımızı aradan qaldırıb, səhvlərimizi analiz etməliyik. Bundan sonra növbəti yarışlara hazırlaşmaq olar. Qarşıda bizi sentyabr ayında keçiriləcək dünya çempionatı gözləyir".

Qeyd edək ki, Yunanıstanda təşkil olunan Avropa çempionatında böyüklərdən ibarət millimiz komanda hesabında üçüncü olub.