Biləsuvarda Müstəqillik Gününə həsr olunmuş qaçış yarışı üzrə rayon birinciliyi keçirilib

Biləsuvar rayonunda 28 May - Müstəqillik Gününə həsr olunan 5 km məsafəyə qaçış üzrə rayon birinciliyi keçirilib.

"QELEBE.AZ"un Muğan bürosunun məlumatına görə, 300 nəfərdən çox iştirakçının mübarizə apardığı yarışlara rayonun Xırmandalı kəndinin giriş hissəsindən start verilib.

Qaçış zamanı Heydər Əliyev parkında qurulmuş finiş xəttinə birinci olaraq Nəsimi kənd sakini Seymur Hüseynov, ikinci olaraq Xırmandalı kənd sakini Həbib Süleymanlı, üçüncü olaraq Əliabad kənd sakini Hüseyn Əliyev çataraq yarışın qalib olublar.

Əlavə olaraq yarışda fərqlənən 10 nəfər iştirakçı da mükafatlandırılıb.