ABŞ basketbolçusu NBA-da yeni rekorda imza atıb

ABŞ-nin “Los Anceles Leykers” klubunun oyunçusu Entoni Devis Milli Basketbol Assosiasiyasında (NBA) yeni rekorda imza atıb.

"QELEBE.AZ" xəbər verir ki, idmançı buna "Minnesota"ya 120:109 hesabı ilə qalib gəldikləri matçda nail olub.

31 yaşlı basketbolçu NBA-da bir oyunda ən azı 25 xal, 25 ribaund, 5 assist və 5 top qazanma ilə çıxış edən ilk oyunçu kimi tarixə düşüb.

Devis sözügedən qarşılaşmada 27 xal toplamaqla yanaşı, 25 ribaund, 5 məhsuldar ötürmə və 7 top qazanma ilə yadda qalıb.

Qeyd edək ki, ABŞ-dən olan basketbolçu 2019/2020 mövsümündən “Los Anceles Leykers”in formasını geyinir.