Azərbaycan millisinin baş məşqçisi təlim keçəcək
https://qelebe.az//uploads/photo/azerbaycan-millisinin-bash-meshqchisi-telim-kechecek.webp
Atletika üzrə Azərbaycan millisinin baş məşqçisi Hakim İbrahimov “Beynəlxalq məşqçiliyin zənginləşdirilməsi sertifikat proqramı” çərçivəsində təlim keçəcək.
“Report” xəbər verir ki, tədbir fevralın 19-da və 26-da Azərbaycan Dövlət Bədən Tərbiyəsi və İdman Akademiyasında təşkil olunacaq.
Təlim “İdmançıların uzunmüddətli inkişafı: sürət, güc, dözümlülük, əyilgənlik və bacarıqların sürətlənmiş inkişaf müddəti” mövzularında olacaq. İştirakçılar sonda sertifikatla təmin ediləcəklər.
