Premyer Liqa: "Sumqayıt" "Araz-Naxçıvan"la heç-heçə edib

Futbol üzrə Azərbaycan Premyer Liqasında XX turun daha bir oyunu keçirilib.

"QELEBE.AZ"un məlumatına görə, günün ilk matçında "Araz-Naxçıvan" "Sumqayıt"la üz-üzə gəlib.

Qarşılaşma 1:1 hesabıı ilə yekunlaşıb. "Gənclik şəhəri" təmsilçisində 45-ci dəqiqədə İsa Suliman, Naxçıvan klubunda 59-cu dəqiqədə Vanderson Melo fərqlənib.

Xallarının sayını 31-ə çatdıran "Sumqayıt" hazırda ikinci pillədədir. 27 xala malik "Araz-Naxçıvan" beşinci sıradakı "Səbail"ə çatıb.

Qeyd edək ki, günün ikinci görüşündə "Neftçi" "Qəbələ"ni qəbul edəcək. XX turda "Turan Tovuz" "Səbail"i (3:1), "Qarabağ" "Kəpəz"i (2:1), "Sabah" isə "Zirə"ni (1:0) məğıub edib.