“Real” klubu 61 illik göstəricini təkrarlayıb

İspaniyanın “Real” klubu 61 illik göstəricini təkrarlayıb.

“Report” xəbər verir ki, Madrid təmsilçisi İspaniya Superkubokunun yarımfinalında “Atletiko”nu 5:3 hesabı ilə məğlub etdiyi oyunda bunu bacarıb.

Belə ki, “Kral klubu” 1963-cü ildən bəri ilk dəfə 3 qol buraxdığı görüşdə “Atletiko”nu məğlub edib. 61 il əvvəl martda keçirilən Madrid derbisində “Atletiko” meydanı 3:4 hesablı məğlubiyyətlə tərk edib.

Qeyd edək ki, İspaniya Superkubokunun final oyunu yanvarın 14-də keçiriləcək. “Real”ın həlledici matçdakı rəqibi bu gün baş tutacaq “Barselona” – “Osasuna” qarşılaşmasının qalibi olacaq.