Azərbaycan stolüstü tennisçiləri toplanış üçün Çinə yollanıblar

Azərbaycanın yeniyetmə stolüstü tennisçiləri növbəti təlim-məşq toplanışına qatılıblar.

Federasiyadan "QELEBE.AZ"a verilən məlumata görə, 13 yaşadək idmançılardan ibarət komandanın üzvləri bu məqsədlə Çin Xalq Respublikasına yollanıblar.

Baş məşqçi Mixail Timofeyevin rəhbərliyi ilə Tunar Bağırov, Onur Quluzadə, Şakir Qədirov, Şəbnəm Mansurova, Yağmur Məmmədli və Banu Baytallı Şanxay şəhərində yerləşən Milli Stolüstü Tennis Akademiyasında ustalıq səviyyəsini artıracaqlar.

Qarşıdakı Avropa çempionatına hazırlıq məqsədi daşıyan hazırlıq prosesinə yanvarın 24-də yekun vurulacaq.