CEV rəsmiləri Fəxri Xiyabanı ziyarət ediblər

Azərbaycan Voleybol Federasiyasının (AVF) rəhbərliyi, ölkəmizdə səfərdə olan Avropa Voleybol Konfederasiyasının (CEV) prezidenti Aleksandar Boriçiç, CEV-in vitse-prezidenti Renato Arena, Türkiyə Voleybol Federasiyasının prezidenti Akif Üstündağ, Bolqarıstan Voleybol Federasiyasının prezidenti Lyubomir Qanev Fəxri Xiyabanı ziyarət ediblər.

AVF-dən "Report"a verilən məlumata görə, federasiya rəsmiləri və qonaqlar Ümummilli Lider Heydər Əliyevin xatirəsini ehtiramla yad edərək, məzarı önünə gül dəstələri düzüblər.

Həmçinin görkəmli oftalmoloq-alim, akademik Zərifə Əliyevanın xatirəsi yad edilib, məzarı üzərinə gül dəstələri qoyulub.

Onlar Şəhidlər Xiyabanını və “Türk Şəhidliyi” abidəsini də ziyarət ediblər.