"Real"ın futbolçusu "El Klasiko"da irqçiliklə üzləşib

İspaniyanın "Real" klubunun futbolçusu Vinisius Junior növbəti dəfə irqçiliyə məruz qalıb.

"QELEBE.AZ" "Marca"ya istinadən xəbər verir ki, "Barselona" azarkeşləri komandalarının 1:2 hesabı ilə uduzduğu "El Klasiko"da 23 yaşlı hücumçunu təhqir ediblər.

Braziliyalı oyunçu matçın sonuna əlavə edilmiş 6-cı dəqiqədə əvəzlənərkən irqçiliklə üzləşib. O, meydanı tərk edərkən Kataloniya təmsilçisinin fanatlarını istehza ilə alqışlayıb. Yerli tərəfdarlar Vinisius Junioru "meymun" adlandırıblar. Hətta onlardan biri banana bənzəyən əşyanı futbolçuya tərəf atıb.

"Barselona" klubu məsələni araşdıracağını açıqlayıb.

Qeyd edək ki, Vinisius Junior "Sevilya" ilə heç-heçə (1:1) etdikləri La Liqanın 10-cu turunun oyununda da təhqir olunmuşdu.