“Mingəçevir Reqatası-2023”: Azərbaycan avarçəkənləri ikinci gündə 12 medal qazanıblar

“Mingəçevir Reqatası-2023”: Azərbaycan avarçəkənləri ikinci gündə 12 medal qazanıblar

Gənclər və İdman Nazirliyi, Azərbaycan Kanoe və Avarçəkmə Federasiyasının birgə təşkilatçılığı ilə keçirilən akademik avarçəkmə, kayak və kanoe üzrə “Mingəçevir Reqatası-2023” beynəlxalq turnirinin ikinci günündə Azərbaycan idmançıları 12 medal qazanıblar.

“Report”un Mingəçevirə ezam olunmuş əməkdaşının məlumatına görə, 8 ölkədən 14 komandanın iştirakı ilə keçirilən yarışda avarçəkənlərimiz 3 qızıl, 4 gümüş, 5 bürünc medala yiyələniblər.

Bir nəfərlik kanoe qayığında 500 metr məsafəyə 2007-2008-ci il təvəllüdlü idmançıların mübarizəsində Sənan Məmmədov ikinci, Cavid Vəlizadə üçüncü yeri tutub.

Bir nəfərlik kayak qayığında 500 metr məsafəyə 2007-2008-ci il təvəllüdlü idmançıların mübarizəsində Amil Ramazanov bütün rəqiblərini geridə qoyaraq çempionluq sevinci yaşayıb. O, ötən gün 1000 metr məsafəyə yarışda da fəxri kürsünün ən yüksək pilləsinə qalxmışdı.

İki nəfərlik akademik avarçəkmə qayığında 1500 metr məsafəyə 2007-2008-ci il təvəllüdlü oğlanların yarışında Fuad Məmmədov - Fikrət Həsənov cütlüyü ikinci olub.

İki nəfərlik kayak qayığında 500 metr məsafəyə 2007-2008-ci il təvəllüdlü idmançılar arasında 2 cütlüyümüz mükafatçılar sırasında yer alıb. Qiyas Əhmədov - Riad İsmayılzadə cütlüyü finişə birinci çatıb. Sübhan Həsənov - Rəşad Dadaşov dueti isə bürünc medala yiyələnib.

İki nəfərlik akademik avarçəkmə qayığında 1000 metr məsafəyə 2009-2010-cu il təvəllüdlü oğlanların yarışında Nurəddin Əliyev - Məhəmməd Abdullayev tandemi üçüncü yerin sahibi olub.

Bir nəfərlik kanoe qayığında 200 metr məsafəyə 2007-2008-ci il təvəllüdlü oğlanların çıxışında Sənan Məmmədov “gümüş” əldə edib.

Bir nəfərlik kayak qayığında 500 metr məsafəyə 2009-2010-cu il təvəllüdlü idmançılardan Əlimurad Hacızadə finişə üçüncü çatıb.

İki nəfərlik kayak qayığında 200 metr məsafəyə 2007-2008-ci il təvəllüdlü idmançılar arasında isə hər üç medala Azərbaycan idmançıları yiyələniblər. Qiyas Əhmədov - Riad İsmayılzadə tandemi çempion olub. Bu, onların gün ərzində ikinci “qızıl”ı olub. Sübhan Həsənovla Rəşad Dadaşovun təşkil etdiyi cütlük gümüş, Emil Zeynalov - Rüfət Həsənzadə cütlüyü isə bürünc medal qazanıb.

Qeyd edək ki, “Mingəçevir Reqatası-2023” beynəlxalq turnirinə oktyabrın 27-də yekun vurulacaq. İlk gündə avarçəkənlərimiz 2 qızıl, 1 gümüş və 1 bürünc medal əldə ediblər.

Fərdi
"Vüqar Həşimov Memorialı-2022"də növbəti görüşlər keçiriləcək

"Vüqar Həşimov Memorialı-2022"də növbəti görüşlər keçiriləcək

Fərdi
Ukraynanı təmsil edən azərbaycanlı karateçi: "Bakıda xeyli dəstək gördüm"

Ukraynanı təmsil edən azərbaycanlı karateçi: "Bakıda xeyli dəstək gördüm"

Fərdi
Kolumbiyalı boksçu rinqdə aldığı xəsarətlərə görə dünyasını dəyişib

Kolumbiyalı boksçu rinqdə aldığı xəsarətlərə görə dünyasını dəyişib

Fərdi
İlqar Rəhimov İslamiadadan qayıdan paralimpiyaçılarla görüşüb

İlqar Rəhimov İslamiadadan qayıdan paralimpiyaçılarla görüşüb

Fərdi
Azərbaycan gimnastları Sofiyada qızıl medal qazanıb

Azərbaycan gimnastları Sofiyada qızıl medal qazanıb

Fərdi
Həbib Nurməhəmmədov MMA-dan gedib

Həbib Nurməhəmmədov MMA-dan gedib

Fərdi
Eldəniz Əzizli: "Bakıdakı yarışda güclü olduğumuzu göstərmək istəyirik"

Eldəniz Əzizli: "Bakıdakı yarışda güclü olduğumuzu göstərmək istəyirik"

Fərdi
Azərbaycan parabadminton idman növündə ilk medalını qazanıb

Azərbaycan parabadminton idman növündə ilk medalını qazanıb

Fərdi
Tahir Abdullayev: "Məşhur idmançılardan heç birini əzişdirmək istəmirəm"

Tahir Abdullayev: "Məşhur idmançılardan heç birini əzişdirmək istəmirəm"

Fərdi
Türkiyəli məşhur idman jurnalisti vəfat edib

Türkiyəli məşhur idman jurnalisti vəfat edib

Fərdi
Avropa Çempionatında iştirak edəcək Azərbaycan cüdoçuları bəlli olub

Avropa Çempionatında iştirak edəcək Azərbaycan cüdoçuları bəlli olub

Fərdi
"Tata Steel İndia": Şəhriyar Məmmədyarov rapid turnirini 6-cı pillədə başa vurub

"Tata Steel İndia": Şəhriyar Məmmədyarov rapid turnirini 6-cı pillədə başa vurub