Azərbaycan cüdoçusu Böyük Dəbilqə turnirində üçüncü yeri tutub
https://qelebe.az//uploads/photo/azerbaycan-cudochusu-boyuk-debilqe-turnirinde-uchuncu-yeri-tutub.webp
Azərbaycan cüdoçusu Rəşid Məmmədəliyev Birləşmiş Ərəb Əmirliklərinin paytaxtı Əbu-Dabidə keçirilən Böyük Dəbilqə turnirində bürünc medal qazanıb.
"Report"un məlumatına görə, 73 kq çəki dərəcəsində çıxış edən idmançı üçüncü yer uğrunda görüşdə ABŞ-dən olan Cek Yonezukaya qalib gəlib.
Ötən gün Leyla Əliyeva (48 kq) bürünc medal qazanıb, Ruslan Paşayev (66 kq) isə beşinci olub.
Qeyd edək ki, Azərbaycanı yarışda 14 cüdoçu təmsil edir. Turnir oktyabrın 26-da başa çatacaq.
