Azərbaycan stolüstü tennisçiləri “WTT Youth Contender” turnirinə qatılıblar

Azərbaycan stolüstü tennisçiləri Misirin paytaxtı Qahirədə startı verilən dünya seriyalı “WTT Youth Contender” turnirinə qatılıblar.

Federasiyadan "Report"a verilən məlumata görə, nüfuzlu yarışda əvvəlcə oğlanlar mübarizə aparacaqlar.

Milli komandanın məşqçisi Ramil Cəfərovun rəhbərliyi altında Adil Əhmədzadə və Onur Quluzadə etimadı doğrulmağa çalışacaqlar. Oktyabrın 26-dan 29-dək isə qızların yarışı keçiriləcək. Məşqçi Elnur Hidayətzadənin rəhbərliyi altında Mərziyyə Nurmətova və Yağmur Məmmədli bacarığını göstərəcək.

Xatırladaq ki, yığmamız bundan əvvəl Gürcüstanda keçirilən analoji turnirdə 10 medal qazanıb.