AFFA rəsmisi UEFA-dan növbəti təyinat alıb

AFFA-nın Uşaq və Gənclər üzrə Yarışların Təşkili Şöbəsinin baş mütəxəssisi Zümrüd Ağayeva UEFA-dan növbəti təyinat alıb.

“Report” milli assosiasiyanın rəsmi saytına istinadən xəbər verir ki, o, 19 yaşadək qadın futbolçulardan ibarət komandalar arasında təşkil olunan Avropa çempionatının ilkin seçmə mərhələsinin matçlarında iştirak edəcək.

Z.Ağayeva Bosniya və Herseqovina, Lixtenşteyn, Estoniya və Cəbəllütariqin yer aldığı B qrupu görüşlərində UEFA nümayəndəsi olacaq.

Oyunlar oktyabrın 24-dən 30-dək Bosniya və Herseqovinada baş tutacaq.