Azərbaycan millisinin rəqibi yoldaşlıq görüşündə heç-heçə edib
https://qelebe.az//uploads/photo/azerbaycan-millisinin-reqibi-yoldashliq-gorushunde-hech-heche-edib.webp
Azərbaycan millisinin AVRO-2024-ün seçmə mərhələsindəki rəqibi Avstriya yığması yoldaşlıq görüşü keçirib.
“Report”un məlumatına görə, baş məşqçi Ralf Ranqnik yetirmələrini Moldova ilə görüşdə sınayıb.
Linzdə baş tutan görüş 1:1 hesabı ilə yekunlaşıb. Moldovalılar 3-cü dəqiqədə Vitali Damaşkanın qolu sayəsində hesabı açıblar. Lakin 50-ci dəqiqədə Mixael Qreqoriç bərabərlik topunu vurub. Avstriya yığmasının heyətində yarımmüdafiəçi Deyan Lyubiçiç 35-ci dəqiqədə zədələnərək əvəzlənib.
“Turan Tovuz”un müdafiəçisi Denis Marandiçi Moldovanın heyətində 90 dəqiqə mübarizə aparıb. “Araz-Naxçıvan”ın qapıçısı Kristian Avram isə ehtiyatda qalıb.
Qeyd edək ki, Avstriya millisi AVRO-2024-ün seçmə mərhələsində sentyabrın 12-də İsveçin qonağı olacaq.
