Ronaldo karyerasında 850-ci qolunu vurub

Səudiyyə Ərəbistanının “Əl-Nasr” futbol klubunun portuqaliyalı hücumçusu Kriştianu Ronaldu rəsmi oyunlarda karyerasının 850-ci qolunu vurub.

APA xəbər verir ki, hücumçu yubiley topunu "Əl-Həzm"lə səfər matçında vurub.

5:1 hesabı ilə qəlib gələn “Əl-Nasr”da ulduz futbolçu fərqlənib.

Portuqaliyalı rəsmi oyunlarda vurulan qolların sayına görə rekordçudur. Siyahıda ikinci yeri Amerikanın “İnter Mayami” klubunda çıxış edən argentinalı hücumçu Lionel Messi (818) tutur.

38 yaşlı Ronaldu beşqat “Qızıl top”un sahibidir.

Həmçinin o, Çempionlar Liqasının qalibi, Avropa çempionu, Millətlər Liqasının qalibidir.