"Olimpiya"nın baş məşqçisi: "Hələ heç nə bitməyib"
https://qelebe.az//uploads/photo/olimpiyanin-bash-meshqchisi-hele-hech-ne-bitmeyib.webp
"Azərbaycana qələbə üçün gəlmişik. Hələ heç nə bitməyib".
"QELEBE.AZ" xəbər verir ki, bunu Sloveniyanın "Olimpiya" komandasının baş məşqçisi Joao Enrike Bakıda "Qarabağ"a qarşı keçirəcəkləri UEFA Avropa Liqasının pley-off mərhələsinin cavab oyunundan əvvəl "TV SLO 2"yə açıqlamasında deyib.
51 yaşlı mütəxəssis qol buraxmamağa və fərqlənməyə çalışacaqlarını bildirib: "Sonadək açıq oynayıb, irəli getməyə çalışacağıq".
Portuqaliyalı baş məşqçi "köhlən atlar"ın daim avrokubokların qrupunda çıxış edən təcrübəli kollektiv olduğunu vurğulayıb. O, ilk matçda bu rəqibə qarşı rəqabət apara biləcəklərini göstərdiklərini söyləyib.
Qeyd edək ki, bu gün Tofiq Bəhramov adına Respublika stadionunda oynanılacaq görüş saat 20:00-da başlayacaq. Səfərdəki ilk matçda Azərbaycan təmsilçisi 2:0 hesabı ilə qalib gəlib.
