Oxatanlarımız Belarusda keçirilən turnirə uğurla başlayıblar

İkinci MDB oyunları çərçivəsində Belarusun Moqilyov şəhərində kamandan oxatma üzrə yarışlara start verilib.

"QELEBE.AZ" xəbər verir ki, ölkəmiz bu turnirdə 2 qız və 3 oğlanla təmsil olunur.

Oxatanlarımız turnirə uğurla başlayıblar. Belə ki, yarışın ilk günü idmançılar sıra atışlarını yerinə yetiriblər və yekun nəticədə komanda yarışlarını kişilər 4-cü yerdə, Mix komanda yarışlarını isə 3-cü yerdə bitiriblər.

Kişilər arasında komanda yarışında Muhammədəli Əliyev 8-ci, Anar Cavadzadə 15-ci və Zahid Kazımzadə 18-ci yerdə olub. Qadınlar arasında Fatimə Hüseynli 8-ci, Sevin Qəhrəmanzadə 15-ci yerdə olub.

Mix komanda yarışında Muhammədəli Əliyev və Fatimə Hüseynli 3-cü yeri tutub.