"Neftçi"nin legioneri: "Arşavin Rusiyanın ən yaxşı futbolçusudur"

"Əlbəttə, Arşavini tanıyıram. O, mənə görə Rusiyanın ən yaxşı futbolçusudur".

"QELEBE.AZ"un məlumatına görə, bunu "Neftçi"nin futbolçusu Kenni Sayef rusiyalı tanınmış oyunçular barədə "Sport-express" nəşrinə açıqlamasında deyib.

ABŞ-dan olan İsrail əsilli yarımmüdafiəçi 3 futbolçunu xüsusi fərqləndirib: "Arşavin top komandalarda oynamış və böyük uğurlara imza atmış futbolçudur. Artyom Dzyubaya qarşı oynamışam. Əla hücumçudur. Rusiyada keçirilən dünya çempionatında qol vuran digər futbolçunuz Denis Çerışevi də xatırlayıram".

Qeyd edək ki, Kenni Sayef ötən mövsümün əvvəlində "Neftçi"yə keçib.