Avropa Oyunları: Azərbaycanın bir kikboksçusu yarımfinala çıxıb, digəri uduzub

Azərbaycan kikboksçusu Elşad Şahbazov Polşada keçirilən III Avropa Oyunlarında mübarizəni dayandırıb.

"QELEBE.AZ"un yarışa ezam olunmuş əməkdaşının məlumatına görə, 80 kq-da çıxış edən idmançı 1/4 finalda ukraynalı Artyom Melnikə 0:3 hesabı ilə uduzub.

Qeyd edək ki, bu gün mübarizəyə qoşulan digər kikboksçu Fərid Ağamoğlanov (63,5 kq) isə Avropa Oyunlarına qələbə ilə başlayıb. O, iyulun 1-də norveçli Milton Ameriko Barrios Qalaretta ilə yarımfinal görüşünə çıxacaq.

Azərbaycan kikboksçusu Fərid Ağamoğlanov Polşada təşkil olunan III Avropa Oyunlarında ilk döyüşünü keçirib.

"QELEBE.AZ"un yarışa ezam olunmuş əməkdaşının məlumatına görə, 63.5 kq-da "full-contact" növündə mübarizə aparan idmançı 1/4 finalda slovakiyalı Filip Barakla qarşılaşıb.

Rəqibinə 3:0 hesabı ilə qalib gələn Ağamoğlanov yarımfinala yüksəlib və ən azı bürünc medalı təmin edib.

Qeyd edək ki, bu gün Azərbaycanın digər kikboksçusu Elşad Şahbazov (80 kq) da rinqə çıxacaq.