Avropa Oyunları: Camalova və Eyvazova təsnifatda, Lunyov yarımfinalda uduzub

Azərbaycan atıcısı Ruslan Lunyov Polşada keçirilən III Avropa Oyunlarında 25 metr məsafəyə tapança ilə atəş açmada finala yüksələ bilməyib.

"Report"un yarışa ezam olunmuş əməkdaşının məlumatına görə, ikiqat Avropa çempionu qrup formatında təşkil olunan yarımfinalda mübarizəni dayandırıb.

Qrupu sonuncu - 4-cü pillədə tamamlayan Lunyov Oyunlarla vidalaşıb.

Azərbaycanın qadın atıcıları Ülviyyə Eyvazova və Aydan Camalova Polşada keçirilən III Avropa Oyunlarında mübarizəni dayandırıb.

"Report"un yarışa ezam olunmuş əməkdaşının məlumatına görə, təsnifat mərhələsinin (trap) 2-ci günündə çıxış edən idmançılar finala adlaya bilməyiblər.

Eyvazova 125 hədəfdən 120-ni, Camalova isə 125-dən 114-nü vurub.

Azərbaycan atıcısı Ruslan Lunyov Polşada keçirilən III Avropa Oyunlarında 25 metr məsafəyə tapança ilə atəş açmada yarımfinala yüksəlib.

"Report"un yarışa ezam olunmuş əməkdaşının məlumatına görə, ikiqat Avropa çempionu təsnifat mərhələsinin 2-ci günündə 289 xal toplayıb.

İki günün nəticələrinə əsasən, xallarını 581-ə çatdıran snayper yekunda 6-cı pilləni tutaraq, mərhələ adlayıb.

Yeni qaydalara əsasən, təsnifat mərhələsini ilk "8-lik"də bitirən idmançılar yarımfinala vəsiqə qazanırlar. Atıcılar bu raundda hərəsində 4 nəfər olmaqla iki qrupda mübarizə aparırlar. İlk iki sıranı tutan idmançılar finala yüksəlirlər.

Qeyd edək ki, qadın atıcılar Ülviyyə Eyvazova və Aydan Camalova da təsnifat mərhələsinin (trap) 2-ci günündə mübarizə aparır. Hələlik Camalova 16-cı, Eyvazova isə 27-ci sırada qərarlaşıb.